ہندوستان

شرمناک : ریلی کے دوران ’ایمبولنس‘ کو راستہ دینے سے بنگال بی جے پی صدر نے کیا منع!

سڑک سے ایک ایمبولنس گزر رہی تھی لیکن بنگال بی جے پی کے صدر دلیپ گھوش نے بی جے پی ورکروں سے کہا کہ وہ راستے سے نہ ہٹیں۔ بالآخر ایمبولنس کو ہی اپنا راستہ بدل کر دوسری طرف جانا پڑا۔
کولکاتا ۔ 08 جنوری 2019
متنازع بیانات کے لیے مشہور بنگال بی جے پی کے صدر دلیپ گھوش کا ایک اور متنازع عمل سامنے آیا ہے کہ دو دن قبل جب وہ ندیا ضلع میں ایک ریلی سے خطاب کررہے تھے کہ تو انہوں نے یہ کہتے ہوئے ایمبولنس کو گزرنے نہیں دیا کہ ریلی میں رخنہ ڈالنے کے لیے ترنمول کانگریس ایمبولنس کا سہارا لے رہی ہے۔

Mohammed Zubair
@zoo_bear
WB BJP chief @DilipGhoshBJP :”The driver knows there’s a meeting going on here. Why has he availed this road, It’s not possible to give way to ambulance. So many ppl sitting on the road will be disturbed. The ambulance was sent deliberately to disturb the meeting.” @News18Bengali

Embedded video
https://bit.ly/2lZkb6a
واضح رہے کہ سڑک سے ایک ایمبولنس گزر رہی تھی لیکن دلیپ گھوش نے بی جے پی ورکروں سے کہا کہ وہ راستے سے نہ ہٹیں۔انھوں نے کہا کہ کوئی بھی راستے سے نہ ہٹے کیونکہ یہ ریلی میں رخنہ ڈالنے کے لیے ترنمول کانگریس کی حکمت عملی ہے۔اس کی وجہ سے ایمبولنس کو روڈ تبدیل کر کے دوسرے راستے سے جانا پڑا۔دلیپ گھوش کا یہ ویڈیو سوشل میڈیا پر خوب وائرل ہورہا ہے۔

اس ویڈیو میں یہ کہتے ہوئے دلیپ گھوش صاف طور پر نظر آ رہے ہیں کہ جب ڈرائیور کو معلوم تھا کہ یہاں ایک ریلی ہورہی ہے تو پھر اس راستے پر ایمبولنس کو کیوں لایا گیا ہے۔اس لیے ایمبولنس کو راستہ نہیں دیا جاسکتا ہے۔کیونکہ سینکڑوں لوگ روڈ پر بیٹھے ہوئے ہیں۔

خیال رہے کہ نئے موٹر وہیکل قانون کے مطابق سڑک جام کے دوران ایمرجنسی گاڑیوں کو راستہ دینا ہوگا۔ایسا نہیں کرنے پر دس ہزار کا جرمانہ عاید کیا جائے گا۔ اس قانون کے باوجود بنگال بی جے پی کے صدر دلیپ گھوش نے ایمبولنس کو راستہ دینے سے صاف انکار کر دیا اور اپنے ساتھیوں سے بھی کہا کہ وہ اپنی جگہ سے نہ اٹھیں۔

Urdutimes@123

ہندوستان اردو ٹائمز پر آپ سب کا خیر مقدم کرتے ہیں

متعلقہ خبریں

جواب دیجئے

Back to top button
Close
Close