سورت 11فروری(ہندوستان اردو ٹائمز) گجرات کے سورت اورکچھ میں زلزلے کے ہلکے جھٹکے محسوس کیے گئے۔ ریکٹر اسکیل پر زلزلے کی شدت 3.8 ریکارڈ کی گئی۔تاہم اس کی وجہ سے جان و مال کے نقصان کی کوئی خبر نہیں ہے۔
گاندھی نگر میں واقع آئی ایس آر کے مطابق زلزلے کا مرکز سورت سے 27 کلومیٹر جنوب مشرق میں ریکارڈ کیا گیا تھا۔گجرات کے سورت میں زمین لرز گئی: ریکٹر اسکیل پر شدت 3.8، زلزلے کا مرکز سورت سے 27 کلومیٹر دور تھا۔ہفتہ کی رات تقریباً ایک بجے زلزلے کے ہلکے جھٹکے محسوس کیے گئے۔گجرات میں 26 جنوری 2001 کو 7.7 کی شدت کا زلزلہ آیا تھا۔ اس دور میں بھج اور کچھ میں بڑی تباہی ہوئی۔
اس زلزلے کی وجہ سے 10 ہزار افراد ہلاک ہوئے تھے۔ 26 جنوری کو ہی دو ہزار لاشیں نکالی گئیں۔ ان میں بھج کے ایک اسکول کے 400 بچے بھی شامل تھے۔ ہسپتالوں کو بھی نقصان پہنچا۔ جس کی وجہ سے ریسکیو آپریشن میں دشواری پیش آئی۔گجرات میں سورت کے بعد ضلع کچھ میں بھی زلزلے کے جھٹکے محسوس کیے گئے ہیں۔ ریکٹر اسکیل پر اس کی شدت 3.7 بتائی گئی ہے۔
اس زلزلے کا مرکز کچھ سے تقریباً 25 کلومیٹر کے فاصلے پر بتایا جاتا ہے۔ اس سے پہلے دیر رات سورت میں 3.8 شدت کا زلزلہ آیا تھا۔سیسمولوجیکل ریسرچ انسٹی ٹیوٹ کے ایک اہلکار نے بتایا تھا کہ زلزلے کی شدت 3.8 ریکارڈ کی گئی۔ اس کا مرکز زمین کے اندر 5.2 کلومیٹر کی گہرائی میں ریکارڈ کیا گیا۔ اس کا مرکز بحیرہ عرب میں تھا۔ زلزلے سے کوئی جانی یا مالی نقصان نہیں ہوا۔
