ممبئی،21جنوری (ہندوستان اردو ٹائمز) مہاراشٹر کی راجدھانی ممبئی میں وزیر اعظم نریندر مودی کے ایک پروگرام کے دوران بندوق کے ساتھ جانے کی کوشش کرنے والے ایک شخص کو پولیس نے پکڑ لیا ہے۔ رپورٹ کے مطابق سیکورٹی جانچ کے دوران اس شخص کو گیٹ پر ہی روک لیا گیا۔
پولیس ذرائع کا کہنا ہے کہ بی جے پی کا ایک کارکن اپنی لائسنس والی بندوق کے ساتھ وزیر اعظم مودی کی تقریر سننے کے لئے تقریب میں پہنچا تھا۔بعد ازاں، اس کے بارے میں تفتیش کی گئی اور تصدیق و ضروری قانون کارروائی کے بعد اسے گھر جانے دیا گیا۔فی الحال وزیر اعظم کی تقریب میں بندوق لے جانے کی کوشش کرنے کے معاملہ میں کسی طرح کی سازش کا انکشاف نہیں ہوا ہے۔ پولیس مزید تفتیش میں مشغول ہے۔
ہماری یوٹیوب ویڈیوز
