ٓبھونیشور، 29جنوری (ہندوستان اردو ٹائمز) اوڈیشہ میں ایک پولیس اہلکار کی فائرنگ سے ریاست کے وزیر صحت نبا کشور داس شدید زخمی ہوگئے۔ ان کی حالت نازک بتائی جاتی ہے- اوڈیشہ کے وزیر صحت نبا کشود داس کو اس وقت گولی لگی جب وہ براجراج نگر کے علاقے گاندھی چوک میں ایک تقریب میں شرکت کے لیے آئے ہوئے تھے۔وزیر صحت ناب کشور داس پر اتوار کی دوپہر ایک بجے کے قریب حملہ کیا گیا۔
واقعہ کے دوران وزیر جھارسوگوڑا کے برجراج نگر میں ایک پروگرام میں شرکت کے لیے جا رہے تھے۔ جیسے ہی داس نیچے گاڑی کی اگلی سیٹ پر بیٹھے، اے ایس آئی نے سینے میں دو گولیاں ماریں۔ خون میں لت پت داس گاڑی کے قریب گرے۔عینی شاہد ایڈوکیٹ رام موہن راؤ نے بتایا کہ وزیر صحت نابا داس پروگرام میں مہمان خصوصی تھے۔ جب وہ پہنچے تو ایک ہجوم اس کے استقبال کے لیے جمع ہوگیا۔ پھر کسی نے ان پر گولی چلا دی۔ ہم نے دیکھا کہ ایک پولیس اہلکار فائرنگ کے بعد بھاگ رہا ہے۔ اے ایس آئی دماغی بیماری کا علاج کروا رہا ہے اگر میڈیا رپورٹس پر یقین کیا جائے-
وزیر پر گولی چلانے والا اے ایس آئی گوپال داس دماغی طور پر بیمار ہے جس کے لیے وہ 7-8 سال سے زیر علاج ہے۔ گوپال کی بیوی جینتی نے یہ بات کہی ہے۔ جینتی کا کہنا ہے کہ دوا لینے کے بعد ہی گوپال نارمل سلوک کرتا ہے۔ انہوں نے کہا- مجھے خبر سے ہی واقعہ کی اطلاع ملی۔ وہ پانچ ماہ پہلے گھر آیا تھا۔ میری بیٹی اور میں نے اتوار کی صبح اس کے ساتھ ویڈیو کال کی۔ اس کے بعد کوئی بات نہیں ہوئی۔اوڈیشہ کے وزیر اعلی نوین پٹنائک نے وزیر صحت پر حملے کی مذمت کی ہے۔ انہوں نے کہا- میں حملے کی خبر سن کر صدمے میں ہوں، میں ان کی جلد صحت یابی کی دعا کرتا ہوں۔ کرائم برانچ کو تحقیقات کی ہدایت دی گئی ہے۔
افسران کو موقع پر جانے کو کہا گیا ہے۔سوشل میڈیا پر وائرل ہونے ویڈیو میں دیکھا جا سکتا ہے کہ وزیر صحت کے اپنی گاڑی سے باہر نکلتے ہی گولی چلنے کی آواز آئی جس کے بعد ہجوم کی جانب سے شور سننے میں آیا اور نبا کشور داس اپنی گاڑی کی فرنٹ سیٹ پر دوبارہ گر گئے۔اسی ویڈیو میں ایک خاکی وردی پہنے پولیس اہلکار کو بھی دیکھا جا سکتا ہے جس نے انڈین میڈیا کے مطابق نبا کشور داس پر گولی چلائی۔ ایک اور ویڈیو میں کچھ افراد کو اوڈیشہ کے وزیر صحت کو گاڑی سے باہر نکالتے ہوئے دیکھا جا سکتا ہے۔
ویڈیو میں ظاہر ہو رہا ہے کہ گولی نبا کشور داس کے سینے میں لگی جس کے بعد ان کی سفید رنگ کی قمیص خون سے لت پت ہوگئی۔اوڈیشہ کے وزیر صحت نبا کشور داس پر حملے کرنے والے اہلکار کی شناخت اسسٹنٹ سب انسپکٹر (اے ایس آئی) گوپال داس کے نام سے ہوئی جو جس کا تعلق جھارسگوڈا شہر سے ہی ہے۔حملہ کرنے والے پولیس اہلکار کو حراست میں لے لیا گیا ہے لیکن اس نے وزیر صحت پر حملہ کیوں کیا اس حوالے سے کوئی سرکاری بیان سامنے نہیں آیا ہے۔
