پليزبچالو، میں آپ کا غلام بن جاؤں گي، خوفناک زلزلوں کے بعد شام کے بچے کا ویڈیو دیکھ کر کانپ جائے گی روح
ترکی اور شام کی سرحد پر آنے والے خوفناک زلزلے کے نتیجے میں ہزاروں افراد اپنی جانوں سے ہاتھ دھو بیٹھے ہیں۔ یہاں 4000 سے زیادہ لوگ ا لقمہ اجل بن چکے ہیں اور 5500 سے زیادہ عمارتیں منہدم ہو چکی ہیں۔ نائب صدر نجاح العطار نے کہا ہے کہ مرنے والوں کی تعداد بڑھ سکتی ہے جبکہ ہم ملبے میں دبے لوگوں کی تلاش کر رہے ہیں۔ اس دوران راحت اور بچاؤ کے کارکنوں کو ملبے کے ڈھیر میں دو معصوم بچے نظر آ جاتے ہیں۔ اس واقعے کی ویڈیو سوشل میڈیا پر وائرل ہو رہی ہے۔ یہ وائرل ویڈیو ہے، ہم اس کی تصدیق نہیں کرتے۔
اس ویڈیو میں معصوم بچہ اپنے بچانے والے سے کچھ کہہ رہا ہے۔ جو بیحد ہی رونگٹے کھڑے کر دینے والا ہے۔ وائرل ویڈیو میں ملبے تلے دبا بچہ کہہ رہا ہے، ‘مہربانی کر کے میری جان بچائیں، مجھے باہر نکالیں، میں آپ کا غلام بن جاؤں گا..’ زلزلے سے ہونے والی تباہی کے درمیان شام سے دل دہلا دینے والی تصویر سامنے آ رہی ہے۔ سوشل میڈیا پر اس حوالے سے کئی ویڈیوز سامنے آ چکی ہیں۔
“Pull me out and I will do whatever you want, I will be your servant!”
Syrian child saying to the rescuer pic.twitter.com/WIUtBkHapN
— Muhammad Smiry 🇵🇸 (@MuhammadSmiry) February 7, 2023
شام میں شدید زلزلے کے بعد صورتحال بدستور تشویشناک ہے۔ یہاں ملبے کے ڈھیر میں لوگوں کو تلاش کیا جا رہا ہے۔ زلزلے کے بعد آنے والے ہلکے آفٹر شاکس کی وجہ سے زمین بار بار لرز رہی ہے۔
دونوں ممالک میں راحت اور بچاؤ کا کام جاری ہے۔
ترکی اور شام میں پیر کی صبح آنے والے 7.8 شدت کے بھیانک زلزلے اور آفٹر شاکس کی وجہ سے دونوں ممالک میں اب تک 5000 سے زائد افراد ہلاک اور 20 ہزار سے زائد زخمی ہو چکے ہیں۔ یہاں ہر طرف موت کا ماتم ہے۔ ملبے میں زندہ دبے لوگوں کی تلاش جاری ہے۔
میڈیا رپورٹس کے مطابق امریکی جیولوجیکل سروے سے پتہ چلتا ہے کہ ترکی میں پیر کو آئے 7.8 شدت کے تباہ کن زلزلے کے بعد سے کم از کم 100 آفٹر شاکس آچکے ہیں۔ ری ایکٹر پیمانے پر اس کی شدت 4.0 یا اس سے زیادہ ناپی گئی ہے۔ حکام کو اندیشہ ہے کہ پیر کی صبح آئے زلزلے اور آفٹر شاکس میں ہلاکتوں کی تعداد بڑھ سکتی ہے، کیونکہ امدادی کارکنان منگل کو بھی ملبے تلے دبے لوگوں کی تلاش جاری رکھے ہوئے ہیں ۔
