دہلی

وزیراعلیٰ کو ہانگ کانگ جانے سے روکنا غلط،کجریوال کا پی ایم مودی کو خط

نئی دہلی ،17جولائی (ہندوستان اردو ٹائمز) دہلی کے وزیر اعلیٰ اروندکجریوال نے وزیر اعظم نریندر مودی کو خط لکھ کر کہا ہے کہ سنگاپور جانے سے روکنا غلط ہے۔ اپنے خط میں وزیراعلیٰ نے لکھا ہے کہ سنگاپور حکومت نے دہلی ماڈل کو عالمی سطح کی کانفرنس میں پیش کرنے کی دعوت دی ہے اور دہلی ماڈل کو دنیا کے کئی بڑے لیڈروں کے سامنے پیش کیا جانا ہے۔آج پوری دنیا دہلی ماڈل کے بارے میں جاننا چاہتی ہے۔ یہ دعوت ملک کے لیے فخر اور اعزاز کی بات ہے۔ وزیر اعلیٰ کو اتنے اہم مرحلے پر جانے سے روکنا ملکی مفاد کیخلاف ہے۔
جلد از جلد اجازت دیں تاکہ میں اس یاترا سے ملک کا نام روشن کر سکوں۔

حکام کے مطابق پروٹوکول کے مطابق وزیر اعلیٰ سمیت کسی بھی وزیر کو سرکاری غیر ملکی دوروں کے لیے وزارت داخلہ سے منظوری لینی پڑتی ہے اور منظوری کے لیے فائل لیفٹیننٹ گورنر کے دفتر کے ذریعے وزارت داخلہ کو بھیجی جاتی ہے۔یکم جون کو سنگاپور کے ہائی کمشنر سائمن وونگ نے دہلی کے وزیر اعلی اروند کجریوال سے ملاقات کی اور انہیں سنگاپور میں منعقد ہونے والی ورلڈ سٹیز سمٹ میں شرکت کی دعوت دی۔ چیف منسٹر اروند کجریوال نے اسے قبول کرلیا۔اس کے بعد حکومت کی جانب سے سیاسی منظوری کے لیے فائل لیفٹیننٹ گورنر کو بھیجی گئی۔

لیکن جون کے آخر میں خبر آئی کہ یہ فائل تقریباً 3 ہفتے قبل لیفٹیننٹ گورنر کو بھیجی گئی تھی۔ لیکن جون کے آخر تک بھی فائل واپس نہیں آئی۔منظوری ملنے میں تاخیر بھی تشویش کا باعث ہے، کیونکہ اس سے قبل 2019 میں بھی اروند کجریوال کو ماحولیات کے معاملے پر بولنے کے لیے بیرون ملک جانا تھا لیکن مرکزی حکومت نے یہ کہہ کر سیاسی منظوری نہیں دی کہ یہ سمٹ میئر سطح کا ہے، وزیر اعلیٰ کا اس میں شرکت کرنا درست نہیں ہے۔

ہماری یوٹیوب ویڈیوز

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button