پٹنہ 28مارچ (ہندوستان اردو ٹائمز) بھارتیہ جنتا پارٹی (بی جے پی) کے ساتھ تنازعہکی وجہ سے اپنا وزارتی عہدہ کھونے والے وکاس شیل انسان پارٹی (وی آئی پی) کے سربراہ مکیش سہنی نے اپنا پہلا ردعمل دیا ہے۔ انہوں نے نتیش کمار کا شکریہ ادا کیاہے کہ انہوں نے بطور وزیر بہار کی خدمت کا موقع دیاہے۔ سہنی نے یہ بھی کہا ہے کہ وہ پسماندہ سماج کے لیے ریزرویشن بڑھانے کے مطالبے کی لڑائی کے لیے وقف ہیں۔
مکیش سہنی نے پیر کو دو ٹویٹس کے ذریعے اپنے من کی بات کی ہے۔مکیش سہنی نے کہاہے کہ اپنے سولہ ماہ کے وزارتی دور میں، میں نے ریاست کے تیرہ کروڑ لوگوں کی خدمت کرنے کی کوشش کی، تمام ذات پات کے مذاہب کے لوگوں کے لیے کام کیا۔ بہار کے مستقبل کے لیے مویشی پالنے اور ماہی پروری کے شعبے میں کچھ فیصلہ کن کام کی حوصلہ افزائی کی ہے۔
مکیش سہنی، جنہوں نے خود کو سن آف ملاح کے طور پر پروموٹ کیا ہے،نے کہاہیک ہ بہار کے تمام لوگوں، این ڈی اے کے تمام اتحادیوں اور عزت مآب وزیر اعلیٰ نتیش کمار جی کا مجھے یہ موقع دینے کے لیے شکریہ۔ میں نشاد سماج کے لیے ایس سی/ایس ٹی ریزرویشن، پسماندہ سماج کے ریزرویشن میں 15% اضافہ کرنے اور بہار اور بہاریوں کے احترام اور ہمہ جہتی ترقی کی لڑائی کے لیے وقف ہوں۔
