نوئیڈا،22اپریل (ہندوستان اردو ٹائمز) نوئیڈا میں ایک خاتون ساتھی کو جنسی طور پر ہراساں کرنے اور سوشل میڈیا پر اس کے بارے میں قابل اعتراض پوسٹس شیئر کرنے کے الزام میں جمعرات کو ایک شخص کو گرفتار کرلیاگیا، پولیس نے اس کی اطلاع آج دی ہے۔ انہوں نے بتایا کہ ملزم مکیش (20) جو اتر پردیش کے مین پوری ضلع کا رہنے والا ہے، ایک سیکورٹی ایجنسی میں کام کرتا ہے۔
فتح پور کی 22 سالہ شکایت کنندہ نے الزام لگایا کہ اسے سڑک پر ہراساں کرنے کے علاوہ مکیش نے اس کے ساتھ بدسلوکی بھی کی۔ پولیس کے ایک ترجمان نے کہاکہ ملزم نے خاتون کے نام سے سوشل میڈیا اکاؤنٹس بنائے اور اسے عورت کے بارے میں قابل اعتراض پوسٹس شیئر کرنے کے لیے استعمال کیا۔ اس کے علاوہ اس نے سوشل میڈیا پر خاتون کو فحش پیغامات بھیجے۔ ملزم کو سیکٹر 104 سے گرفتار کیا گیا۔پولیس نے بتایا کہ ملزم کے خلاف تعزیرات ہند کی دفعہ 354A (جنسی طور پر ہراساں کرنا)، 504 (جان بوجھ کر توہین)، 506 (مجرمانہ دھمکی) اور انفارمیشن ٹیکنالوجی ایکٹ کی متعلقہ دفعات کے تحت مقدمہ درج کر لیا گیا ہے۔
خیال رہے کہ نوئیڈا میں ان دنوں جرائم کے معاملات میں اضافہ ہورہا ہے۔ گزشتہ ماہ نوئیڈا میں ایک نوجوان کو اغوا کرکے زیادتی کا نشانہ بنایا گیا تھا۔ دنکور پولس اسٹیشن کے انچارج سدھیر کمار سنگھ نے بتایا کہ دنکور علاقہ کے ایک گاؤں میں رہنے والے ایک 14 سالہ نوجوان کو انکت نامی نوجوان اغوا کرکے لے گیا تھا۔ پولیس کا کہنا ہے کہ ملزم نے متاثرہ کے ساتھ زیادتی کی۔
پولیس نے ملزم کو گرفتار کر کے مغوی نابالغہ کو اس کے قبضے سے بازیاب کرایا۔ حکام نے کہا کہ پولیس نوجوان کا طبی معائنہ کر ارہی ہے۔ پوچھ گچھ کے دوران پولیس کو معلوم ہوا کہ ملزم نے نوجوان کے ساتھ جنسی زیادتی کی ہے۔ ملزم کیخلاف جنسی استحصال سے بچوں کے تحفظ (POCSO) اور تعزیرات ہند کی متعلقہ دفعات کے تحت مقدمہ درج کیا گیا تھا۔
