ممبئی،21؍اپریل (ہندوستان اردو ٹائمز) مہاراشٹر کے سماجی انصاف کے وزیر دھننجے منڈے کی سالی کو ممبئی پولیس نے گرفتار کر لیا۔ وزیر لح سالی کو وصولی کے الزام میں گرفتار کر لیا گیا ہے۔ خود دھننجے منڈے کی شکایت پر ان کی سالی رینو شرما کو گرفتار کیا گیا ہے۔
الزام ہے کہ رینو شرما دھننجے منڈے کو 5 کروڑ روپئے، دکان اور ایک فون دینے کی دھمکی دے رہی تھی۔واضح رہے کہ رینو شرما نے سال 2021 میں دھننجے منڈے پر ریپ کا الزام لگایا تھا۔ لیکن بعد میں اس نے اپنی شکایت واپس لے لی۔
دھننجے منڈے نے اپنے سیاسی کیریئر کا آغاز بی جے پی کے یوتھ ونگ بھارتیہ جنتا یووا مورچہ سے کیا۔ اس کے بعد وہ این سی پی میں شامل ہو گئے۔ سال 2014 میں انہیں قانون ساز کونسل کا رکن بنایا گیا۔ پھر انہوں نے اسمبلی الیکشن بھی لڑا لیکن اپنی کزن اور گوپی ناتھ منڈے کی بیٹی پنکجا سے ہار گئے۔ سال 2019 میں بیڈ کی پارلی سیٹ سے ان کا دوبارہ مقابلہ پنکجا منڈے سے ہوا اور اس بار وہ جیت گئے۔
