جموں میں وزیر اعظم نریندر مودی کی ریلی سے پہلے مشتبہ دھماکہ خیز مواد برآمد ہوا ہے۔ اطلاعات کے مطابق یہ دھماکہ خیز مواد پی ایم کی ریلی کی جگہ سے 12 کلومیٹر کے فاصلے پر ملا ہے۔ جموں کے بشناہی کے لالیاں گاؤں میں کھلی زرعی زمین میں ایک مشتبہ دھماکہ کے بارے میں گاؤں والوں نے پولیس کو اطلاع دی ہے۔ پولیس نے اس سلسلے میں کہا کہ بجلی گرنے یا آسمانی پتھر کے گرنے کا شبہ ہے۔ معاملے کی جانچ کی جا رہی ہے۔ پی ایم مودی کی ریلی دوپہر میں ہونے والی ہے۔
जम्मू: बिश्नाही के ललियान गांव में खुली कृषि भूमि में संदिग्ध विस्फोट होने की सूचना ग्रामीणों ने पुलिस दी है।
पुलिस का कहना है कि, "बिजली गिरने या उल्कापिंड होने का संदेह है। मामले में जांच की जा रही है।" pic.twitter.com/lbG8LRrRkr
— ANI_HindiNews (@AHindinews) April 24, 2022
وزیر اعظم نریندر مودی آج جموں و کشمیر کے دورے پر ہیں۔ پی ایم مودی جموں کے سانبہ ضلع میں منعقد ہونے والے پنچایتی راج ڈے پروگرام میں شرکت کریں گے۔ وزیر اعظم قومی پنچایتی راج ڈے کی تقریبات میں بھی شرکت کریں گے۔ وہ ملک بھر کی تمام گرام سبھاؤں سے بھی خطاب کریں گے۔ بتایا جا رہا ہے کہ وزیر اعظم ہزاروں پنچایت نمائندوں سے بات چیت کریں گے اور ملک کی تمام پنچایتوں کو جنہوں نے اپنے علاقے میں بہترین کام کیا ہے ان کو اعزاز سے بھی نوازا جائے گا۔
