عجیب و غریب

ممبئی : 16 کروڑ روپے کے انجکشن سے بچے کو بچالیا گیا، مگر کیسے ؟

ممبئی (ہندوستان اردو ٹائمز) ممبئی میں 5 ماہ کے بچے کی جان 16کروڑ روپے کا انجکشن لگا کر بچالی گئی، بچے کے والدین نے لوگوں سے مدد کی اپیل کی تھی۔ ڈاکٹروں کے مطابق بچہ مکمل صحت یاب ہوگیا جلد چھٹی دے دی جائے گی۔

ممبئی کے ایک اسپتال میں زیر علاج 5ماہ کے بچے کو نئی زندگی مل گئی، گجرات کے رہائشی پانچ ماہ کے دھیر راج کو ممبئی کے ہندوجا اسپتال میں اسپایئنل مسکلر اسٹروفی نام کی بیماری کے علاج کے لئے داخل کیا گیا تھا۔

میڈیاذرائع کے مطابق دھیر کا تعلق گجرات کے شہر احمدآباد سے ہے۔ پیدا ہونے کے بعد دھیر کے والدین کو یہ احساس ہوا کہ دھیر کا ایک ہاتھ اور ایک پیر کام نہیں کر رہا جس کے بعد ڈاکٹروں نے بھی اس مرض کی تشخیص کردی۔

اس بیمار کے علاج کے لئے 16 کروڑ روپے کے ایک انجیکشن کی ضرورت تھی جو نیوزی لینڈ سے منگوایا جانا تھا، دھیر کے والد راجدیپ سنگھ راٹھور نے سوشل میڈیا سائیٹس پر عوام سے مالی تعاون کی درخواست کی۔

بچے کے والدین کی اپیل پر سوشل میڈیا صارفین نے دل کھول کر مالی تعاون کرنا شروع کیا جس کے بعد 16 کروڑ روپے کی خطیر رقم بہت کم عرصے میں جمع ہو گئی۔

اسپتال انتظامیہ نے نیوزی لینڈ سے انجکشن منگوا لیا جبکہ حکومت نے اس انجیکشن پر لگنے والے ساڑھے چھ کروڑ کی کسٹم ڈیوٹی بھی معاف کردی تھی۔

بچے کے علاج پر مامور ڈاکٹر نے کہا ہے کہ انجیکشن لگنے کے بعد دھیر راج کی طبیعت اب کافی بہتر ہے اور جلد ہی اسے اسپتال سے ڈسچارج کر دیا جائے گا۔

میڈیا کے مطابق محض دو مہینے کے دوران دو لاکھ چونسٹھ ہزار چھ سو ساٹھ لوگوں کی مدد کے بعد سولہ کروڑ چوبیس لاکھ پینتیس ہزار چھ سو پچپن روپے کی رقم جمع ہوئی تھی۔

Urdutimes@123

ہندوستان اردو ٹائمز پر آپ سب کا خیر مقدم کرتے ہیں

Leave a Reply

Back to top button
Close
Close