جھارکھنڈ ،024؍اپریل (ہندوستان اردو ٹائمز) چارہ گھوٹالہ معاملے میں راشٹریہ جنتا دل (آر جے ڈی) کے صدر لالو پرساد یادو کی مشکلات کم ہونے کا نام نہیں لے رہی ہیں۔ سپریم کورٹ نے لالو یادو کو دو مقدمات میں دی گئی ضمانت کے خلاف سماعت کرنے پر رضامندی ظاہر کر دی ہے۔
سپریم کورٹ نے جھارکھنڈ حکومت کی اپیل پر سماعت کرنے پر رضامندی ظاہر کر دی ہے۔ یہ اپیل ریاستی حکومت کی جانب سے جھارکھنڈ ہائی کورٹ کی طرف سے دمکا اور چائباسا خزانہ معاملے میں دی گئی ضمانت کے خلاف کی گئی ہے۔ جھارکھنڈ حکومت نے کہا ہے کہ ضمانت کے حکم کی بنیاد غلط ہے۔
لالو یادو نے جیل میں مطلوبہ وقت نہیں گزارا۔جھارکھنڈ حکومت نے سپریم کورٹ کو بتایا کہ ضمانت کی درخواست کی اجازت دیتے ہوئے جھارکھنڈ ہائی کورٹ نے کہا تھا کہ لالو یادو پہلے ہی نصف سزا کاٹ چکے ہیں۔ لیکن لالو یادو کو دو مقدمات میں کل 14 سال جیل میں گزارنے پڑے۔ انہوں نے ایک سال سے بھی کم عرصہ جیل میں گزارا ہے۔ ایسے میں ہائی کورٹ کا فیصلہ درست نہیں ہے اسے کالعدم قرار دیا جانا چاہیے۔
جسٹس ایل ناگیشور راؤ اور جسٹس بی آر گوئی کی بنچ نے لالو کو نوٹس جاری کیا اور ان سے جواب طلب کیا۔ اہم بات یہ ہے کہ جھارکھنڈ حکومت نے 2021 میں دمکا اور 2020 میں چائباسا خزرانہ معاملے میں آر جے ڈی لیڈر یادو کو دی گئی ضمانت کے خلاف اپیل دائر کی ہے۔ دمکا معاملے میں اس سے پہلے انہیں جھارکھنڈ کے بہار کے ڈمکا شہر میں خزانے سے 3.13 کروڑ روپئے نکالنے کا قصوروار پایا گیا تھا۔
