فیضان میڈی کیئر ملٹی اسپیشلٹی اسپتال میں کلر الٹرا سائونڈ مشین کا افتتاح
دارالعلوم دیوبند کے مہتمم مولانا مفتی ابوالقاسم نعمانی نے کیا
دیوبند، 23؍ اگست (رضوان سلمانی) عیدگاہ روڈ مسجد رشید کے نزدیک واقع فیضان میڈی کیئر ملٹی اسپیشلٹی اسپتال میں جدید سہولیات سے لیس کلر الٹرا سائونڈ مشین کا افتتاح دارالعلوم دیوبند کے مہتمم مولانا مفتی ابوالقاسم نعمانی نے دعا کراکر کیا۔ اس دوران انہو ںنے طبی میدان میں کی جانے والی خدمات کو نیک کام بتایا۔ آج فیضان میڈی کیئر ملٹی اسپیشلٹی اسپتال میں جدید سہولیات سے لیس کلر الٹر ا سائونڈ مشین کا افتتاح عالمی شہرت یافتہ ادارہ دارالعلوم دیوبند کے مہتمم مولانا مفتی ابوالقاسم نعمانی نے کیا۔ ا س دوران انہو ںنے فیضان میڈی کیئر ملٹی اسپیشلٹی اسپتال کی جانب سے طبی میدان میں کی جارہی خدمات کی تعریف کرتے ہوئے کہا کہ اس طرح کی سہولیات سے شہر اور آس پاس کے افراد کو بہت فائدہ پہنچے گا۔
انہوں نے کہا کہ اب تک اس طرح کا جدید سہولیات والا کوئی اسپتال دیوبند میں نہیں تھا ، فیضان اسپتال نے اس کمی کو پورا کیا ہے۔ مفتی ابوالقاسم نعمانی نے کہا کہ طبی میدان میں لوگوں کی خدمت کرنا بڑا نیک کام ہے اور مذہب اسلام میں انسانیت کی خدمت عظیم خدمت ہے۔ انہوںنے اسپتال کے فائونڈر پرموٹر سعد صدیقی وفائونڈر پرموٹر احمد صدیقی اور مینجنگ ڈائریکٹر ڈاکٹر سلیم الرحمن کی حوصلہ افزائی کی۔ اس موقع پر اسپتال کے فائونڈر پرموٹر احمد صدیقی اور مینجنگ ڈائریکٹر ڈاکٹر سلیم الرحمن نے بتایا کہ جدید سہولیات سے لیس اس الٹرا سائونڈ مشین سے شہر کے لوگوں کو فائدہ پہنچے گا کیوں کہ دیوبند میں ٹی وی ایس سہولت کلر الٹرا سائونڈ مشین اب تک مہیا نہیں تھی ، انہو ںنے بتایا کہ اس الٹرا سائونڈ میں اب تک کی سبھی جدید سہولیات موجود ہیں، جس کے سبب شہر کے لوگوں کو باہر جانے کی ضرورت نہیں ہوگی ۔ انہوں نے کہا کہ فیضان میڈی کیئر اسپیشلٹی اسپتال پہلے روز سے ہی اپنے مقصد کو لے کر آگے بڑھ رہا ہے، ان کا مقصد یہ ہے کہ کم پیسوں میں لوگوں کا علاج کیا جائے۔ اسپتال کے فائونڈر پرموٹر سعد صدیقی نے سبھی مہمانوں کا شکریہ ادا کرتے ہوئے کہا کہ کووڈ جیسے مشکل وقت نے ہمیں طبی میدان میں آنے کی ہمت عطا کی اور ہم نے دیوبند جیسے چھوٹے شہر میں میٹرو سٹیز جیسے اسپتال کا خواب دیکھا تھا جس میں کچھ ہی وقت میں ہمیں کامیابی ملی ہے۔
انہو ں نے کہا کہ فیضان میڈی کیئر ملٹی اسپیشلٹی اسپتال میڈیکل کی سبھی بڑی سہولیات کو دیوبند جیسے چھوٹے شہر میں مہیا کرانے کی کوشش کررہے ہیں۔ انہوں نے کہا کہ اس دور میں علاج بڑا مہنگا ہوگیا ہے اور لوگ وہاں تک رسائی نہیں کرپاتے ہیں اس لئے ہم نے اس چھوٹے سے شہر میں غریب سے غریب افراد کا کم پیسوں میں علاج دے سکیں یہی ہماری کوشش ہے۔ اس موقع پر دارالعلوم زکریا کے مہتمم مولانا مفتی شریف خان قاسمی، جامعۃ الشیخ کے مہتمم مولانا مزمل علی، مولانا احمد سعد، ڈاکٹر شمیم احمد دیوبندی، ڈاکٹر یونس، ڈاکٹر ایس اے عزیز، ڈاکٹر نعیم، ڈاکٹر اسلم، ڈاکٹر منور حسن، مولانا سالم اشرف سمیت شہر کے ڈاکٹر ، علماء اور دیگر سرکردہ افراد موجود رہے۔
