عجیب و غریب

بیوی کے ہاتھ پر بندھی اسمارٹ واچ نے قاتل شوہر کا جرم فاش کر دیا

یونان کی پولیس نے بتایا ہے کہ دارالحکومت ایتھنز میں 11 مئی کو قتل ہونے والی خاتون کے شوہر نے اعتراف کر لیا ہے کہ اس نے اپنی بیوی کو خود قتل کیا۔ اس سے قبل خاتون کے شوہر نے پولیس کے سامنے دعوی کیا تھا کہ 3 چوروں نے اس کے گھر پر دھاوا بولا اور اس کو قید کر دیا۔ بعد ازاں ان لوگوں نے خاتون کو ان دونوں کے 11 ماہ کے شیر خوار بچے کے سامنے گلا گھونٹ کر مار ڈالا۔

پولیس کی جانب سے جاری بیان کے مطابق 20 سالہ خاتون کے 33 سالہ شوہر نے اپنے جرم کا اعتراف کر لیا ہے۔ اس واقعے کا واحد گواہ خود یہ آدمی (شوہر) تھا۔

البتہ گھر میں لگے سیکورٹی کیمرے اور بیوی کے ہاتھ پر بندھی اسمارٹ واچ سے حاصل نئے شواہد سامنے آنے کے بعد شوہر کو حراست میں لے کر اس سے طویل پوچھ گچھ کی گئی۔

مذکورہ نئے شواہد نے شوہر کو اپنی بیوی کے قتل کے اعتراف پر مجبور کر دیا۔ شوہر نے بتایا کہ اس جرم کے ارتکاب سے قبل اس کا اپنی بیوی سے جھگڑا ہوا تھا۔

Urdutimes@123

ہندوستان اردو ٹائمز پر آپ سب کا خیر مقدم کرتے ہیں

Leave a Reply

Back to top button
Close
Close