شادی کے گھر میں ماتم،سلینڈر پھٹنے سے دھماکہ، اب تک 5کی موت، 60 جھلسے، جانئے کیسے ہوا حادثہ
جودھ پور۔ جودھپور کے ماتا کا تھان تھانہ علاقے میں گیس سلینڈر کے زخم ابھی بھرے بھی نہیں تھے کہ گیس سلینڈر دھماکے کے ایک اور واقعے سے ضلع ہل گیا ہے۔ دراصل، جودھپور ضلع کے شیر گڑھ علاقے کے بھونگرہ گاؤں میں جمعرات کی دوپہر شادی کی بارات کی روانگی سے قبل ایک شادی کے مقام پر ایک بڑا حادثہ پیش آیا، جہاں باری باری لیکیج کے بعد 6 گیس سلینڈر پھٹنے سے 5 افراد کی موت ہو گئی۔ اس کے ساتھ ہی اس حادثے میں 61 افراد جھلس گئے۔ اس حادثے میں جہاں دولہا کا باپ بھی جھلسنے میں شامل ہے وہیں خواتین اور معصوم بچوں کے زخمی ہونے کی بھی خبر ہے۔
موصولہ اطلاعات کے مطابق 35 افراد کی حالت تشویشناک بتائی جاتی ہے۔ اس حادثہ میں پورا گھر جل گیا۔ حادثے کے بعد شادی کی تقریب اور گاؤں میں کہرام مچ گیا۔ بتایا جا رہا ہے کہ تقریب کے دوران کھانا تیار کیا جا رہا تھا اور کئی گاؤں والے کھانا کھا رہے تھے۔ آگ لگتے ہی باورچی گیس آن چھوڑ کر بھاگ گئے۔ بھٹیوں کے پائپ بھی جھلس گئے جس کی وجہ سے مزید گیس کا اخراج ہوتا رہا اور یہ بڑا حادثہ پیش آیا۔
اطلاع کے بعد جودھ پور سے فائربریگئیڈ بھی موقع پر پہنچ گئی۔ 60 زخمیوں کو شیر گڑھ، بالاسر اور سیٹراوا کے سرکاری اسپتالوں میں لے جایا گیا۔ کچھ لوگوں کو ابتدائی طبی امداد کے بعد گھر بھیج دیا گیا۔ جب کہ 51 زخمیوں کو جودھ پور کے مہاتما گاندھی اسپتال ریفر کیا گیا۔ تب تک دو سال کا لڑکا اور چار سال کی لڑکی کی موت ہو چکی تھی۔ 35 زخمیوں کی حالت تشویشناک بتائی جارہی ہے۔
