پھگواڑہ،18؍مارچ (ہندوستان اردو ٹائمز) پنجاب کے پھگواڑہ کے مضافات میں پھگواڑہ-جالندھر قومی شاہراہ پر سڑک کنارے گاڑی کی مرمت کر رہے ایک ٹرک ڈرائیور اور ایک مکینک کی گاڑی کی ٹکر سے موت ہو گئی۔ پولیس نے جمعہ کو یہ جانکاری دی۔
پولیس نے بتایا کہ جمعرات کی شام کو پیش آنے والے اس حادثے میں ٹرک کلینر شدید زخمی ہو گیا تھا۔صدر پولیس اسٹیشن کے انچارج جتیندر کمار نے بتایا کہ مرنے والوں کی شناخت 40 سالہ ایوب (ٹرک ڈرائیور) ساکن اتر پردیش کے سہارنپور اور 32 سالہ پریم کمار (مکینک) ساکن لیہل کلاں گاؤں کے طور پر کی گئی ہے۔
ایس ایچ او نے بتایا کہ زخمی کلینر شوکین بھی سہارنپور کا رہنے والا ہے اور اسے جالندھر کے اسپتال میں داخل کرایا گیا ہے۔ انہوں نے بتایا کہ کار ڈرائیور اپنی گاڑی کو پیچھے چھوڑ کر فرار ہو گیا۔
ہماری یوٹیوب ویڈیوز
