نئی دہلی، 16جنوری (ہندوستان اردو ٹائمز) انڈین کرکٹر رشبھ پنت نے کار حادثے کے بعد پہلا ٹویٹ کیا ہے۔ رشبھ پنت نے اس مشکل وقت میں ان کا ساتھ دینے پرمداحوں اورکرکٹ بورڈ انڈیا کا شکریہ ادا کیا ہے۔ پنت کا کہنا ہے کہ ان کی صحت یابی کیلئے راہ ہموار ہوگئی ہے۔اور وہ آنے والے چیلنج کے لیے تیار ہیں۔ وکٹ کیپر بلے باز رشبھ پنت گزشتہ دنوں حادثے کا شکار ہو گئے تھے۔ جس کے بعد رشبھ پنت کو دہرادون کے میکس اسپتال میں داخل کرایا گیا تھا۔
I may not have been able to thank everyone individually, but I must acknowledge these two heroes who helped me during my accident and ensured I got to the hospital safely. Rajat Kumar & Nishu Kumar, Thank you. I'll be forever grateful and indebted 🙏♥️ pic.twitter.com/iUcg2tazIS
— Rishabh Pant (@RishabhPant17) January 16, 2023
اس کے بعد انہیں بہتر علاج کے لیے ممبئی کے کوکیلا بین اسپتال میں داخل کرایا گیا۔ تاہم رشبھ پنت نے حادثے کے بعد پہلی بار اپنا ردعمل دیا ہے۔ ہندوستانی وکٹ کیپر بلے باز نے ٹویٹ کرکے سب کا شکریہ ادا کیا۔ انہوں نے کہا کہ میری سرجری کامیاب رہی۔ اس کے علاوہ اب میں تیزی سے صحت یاب ہو رہا ہوں۔ اگلے چیلنج کے لیے خود کو تیار کر رہا ہوں۔بی سی سی آئی سکریٹری جے شاہ کے علاوہ رشبھ پنت نے اپنے ٹویٹ میں حکومت کا شکریہ ادا کیا۔
I am humbled and grateful for all the support and good wishes. I am glad to let you know that my surgery was a success. The road to recovery has begun and I am ready for the challenges ahead.
Thank you to the @BCCI , @JayShah & government authorities for their incredible support.— Rishabh Pant (@RishabhPant17) January 16, 2023
انہوں نے کہا کہ انہیں مشکل وقت میں حکومت کی طرف سے بہت تعاون ملا۔ وہیں رشبھ پنت کے ٹویٹ کے بعد مداحوں میں بھی جوش ہے۔ کرکٹ شائقین وکٹ کیپر بلے باز کے جلد سے جلد صحت یاب ہونے کی دعا کر رہے ہیں۔ تاہم یہ خیال کیا جاتا ہے کہ رشبھ پنت اگلے 18 ماہ تک واپسی نہیں کر پائیں گے۔ اس طرح رشبھ پنت آئی پی ایل، ورلڈ ٹیسٹ چمپئن شپ فائنل اور ونڈے ورلڈ کپ کے علاوہ اگلے سال ہونے والے ٹی 20 ورلڈ کپ میں ٹیم انڈیا کا حصہ نہیں ہوں گے۔
