نئی دہلی، 24 مارچ (ہندوستان اردو ٹائمز) سپریم کورٹ نے جمعرات کو ممبئی کے سابق پولس کمشنر پرمبیر سنگھ کے خلاف بدعنوانی کے الزامات پر مختلف مقدمات کی جانچ مرکزی تفتیشی بیورو (سی بی آئی) کو منتقل کر دی۔
جسٹس ایس کے کول اور ایم ایم سندریش کی بنچ نے کہا کہ اس معاملے کی تحقیقات کس کو کرنی چاہئے اس پر اقتدار کے اعلیٰ طبقوں کے درمیان بہت ہی مبہم پوزیشن ہے۔بنچ نے کہا کہ انصاف کے اصول کو آگے بڑھانے کے لیے تحقیقات کو سی بی آئی کو منتقل کرنے کی ضرورت ہے، ہم یہ نہیں کہہ رہے ہیں کہ اپیل کنندہ (سنگھ) کوئی سیٹی بجانے والا ہے یا اس کیس میں ملوث کوئی بھی شخص دودھ سے دھلا ہوا ہے۔
بنچ نے سنگھ کی معطلی کو منسوخ کرنے سے بھی انکار کر دیا اور کہا کہ آئندہ تمام ایف آئی آر بھی سی بی آئی کو منتقل کر دی جائیں گی۔ سپریم کورٹ نے کہا کہ ریاستی پولیس میں لوگوں کا اعتماد بحال کرنے کے لیے مکمل تحقیقات کی ضرورت ہے۔بنچ نے کہاکہ ہم اس دلیل کو قبول کرنے سے قاصر ہیں کہ شکایت کنندگان کے ذریعہ درخواست گزار کے خلاف ایف آئی آر درج کی گئی ہے، ہمارا خیال ہے کہ ریاست کو خود سی بی آئی کو تحقیقات کی اجازت دینی چاہیے تھی۔
