ممبئی ،23جنوری (ہندوستان اردو ٹائمز) حیدرآباد کیخلاف پہلے بیٹنگ کرتے ہوئے ممبئی کی ٹیم نے 8 وکٹوں پر 704 رنز بنائے۔ وہیں مشیر خان نے 339 رنز کی میراتھن اننگز کھیلی۔ مشیر خان کی اننگز کی سب سے بڑی بات اسٹرائیک ریٹ تھا۔ دراصل مشیر خان نے صرف 367 گیندوں پر 339 رنز بنائے۔
اس طرح مشیر خان کا اسٹرائیک ریٹ 90 سے زائد رہا۔ انہوں نے اپنی اننگز میں 34 چوکے اور 9 چھکے لگائے۔ مشیر خان کے علاوہ اتھرو ونود نے ڈبل سنچری بنائی۔ اتھرو ونود نے 214 رنز کی اننگز کھیلی۔ واضح ہو کہ سرفراز خان ممبئی کے لیے ڈومیسٹک کرکٹ میں بہت زیادہ رنز بنا رہے ہیں۔ تاہم اس نوجوان کھلاڑی کو آسٹریلیا کے خلاف آئندہ بارڈر-گواسکر ٹرافی میں ٹیم میں جگہ نہیں ملی۔
دوسری جانب سرفراز خان کے کیریئر پر نظر ڈالی جائے تو اس بلے باز نے ڈومیسٹک کرکٹ میں 3500 سے زائد رنز بنائے ہیں۔ اس دوران سرفراز خان کی اوسط 80 کے قریب رہی۔ اس کے علاوہ رنجی ٹرافی کے رواں سیزن میں وہ اب تک 6 میچوں میں 500 سے زائد رنز بنا چکے ہیں۔
