دیوبند، 19؍ فروری (رضوان سلمانی) جامعہ رحمت گھگھرولی میں گزشتہ دنوں سالانہ رحمت کانفرنس کی کامیابی پر ہمدردان ملت نے خوشی کا اظہار کرتے ہوئے منتظمین کو مبارک باد پیش کی ہے ، منتظمین کی جانب سے بھی کانفرنس کے شرکاء کا شکریہ ادا کیا گیا ہے۔ اسی سلسلہ میں پروگرام کے کنوینر مولانا ڈاکٹر عبدالمالک مغیثی نے اپنے بیان میں کہا ہے کہ گزشتہ دنوں جامعہ رحمت گھگھرولی کو بحمداللہ تعالیٰ اپنی 13ویں رحمت کانفرنس منعقد کرنے کی سعادت حاصل ہوئی، ہم تشریف لانے والے اپنے تمام بزرگانِ دین، اکابر ملت، دانشوران قوم، علماء کرام، ائمہ عظام، مہمانان ذی وقار، مدعوین خصوصی، جملہ متعلقین،محبین، معاونین اور عوام و خواص سبھی کے شکر گزار ہیں اور سبھی کی خدمت میں ہدیہ امتنان وتشکر پیش کرتے ہیں کہ تمام حضرات بے پناہ مصروفیتوں اور غیر معمولی مشغولیتوں کے باوجود، سفر کی دشواریاں برداشت کرکے اور وقت کی قربانی دے کر ہماری حقیر سی دعوت کو شرفِ قبولیت سے نوازا، ہماری حوصلہ افزائی کی اور کانفرنس کو بحسن و خوبی اختتام بخشنے میں اپنا تعاون پیش کیا۔ انہوں نے کہا کہ اسی طرح ہم اپنے تمام اخباری نمائندوں، صحافی حضرات،نامہ نگار،خبر نویس اور سوشل میڈیا صارفین کے بھی کانفرنس کے کوریج کرنے اور اسکے پیغام کو عام کرنے پر بے حد مشکور ہیں۔بڑی ناسپاسی ہوگی اگر ہم یہاں اپنے ان ابنائے قدیم کا تذکرہ نہ کریں کہ جنھوں نے کانفرنس کو کامیاب بنانے کے لئے اپنی شب و روز کو قربان کیا، بالیقین ہم انکے بھی ممنون و مشکور ہیں۔آخر میں ہم سبھی خدام و اراکین جامعہ،اہلیان بستی اور یہ ناچیز عبدالمالک مغیثی سلسل? رحمت کانفرنس میں دوران جلسہ یا بعد جلسہ ہر طرح کی کوتاہی جو نظم و نسق میں پیش آئی سبھی کے لئے معذرت خواں ہیں۔یقینا آپ کے لیے ہمارے دل میں عزت و عظمت، رفعت و محبت، احترام و عقیدت اور نیاز مندی کے بے شمار جذبات موجزن ہیں، ہم دعا گوں ہیں کہ کانفرنس اور آپ کی دینی خدمات کو خداوند عالم قبول فرمائے،ہم آپ کے اس تعاون کے شکر گزار ہیں اور آپ کی توفیقات میں مزید اضافے و سلامتی کے لئے دعا گو ہیں۔محمد اوصاف گڈو، مولوی فرید مظاہری، حاجی ایم شاہد زبیری۔ محمد صالح احقر نے رحمت کانفرنس کی کامیابی پر جامعہ رحمت کے ذمہ داران ،، اساتذہ اور منتظمین کو مبارک باد پیش کی۔
