بنگلور

دیو گوڑا صدارتی انتخاب نہیں لڑیں گے، کمارسوامی کی وضاحت

بنگلورو ، 19جون (ہندوستان اردو ٹائمز) کرناٹک کے سابق وزیر اعلیٰ ایچ ڈی کمار سوامی نے کہا ہے کہ ان کے والد اور سابق وزیر اعظم ایچ ڈی دیوگوڑا صدر کے عہدے کے لیے انتخاب نہیں لڑیں گے۔

کمارسوامی نے یہاں نامہ نگاروں سے کہا کہ مسٹر دیو گوڑا کے صدر کے عہدہ کے لئے انتخاب لڑنے کا سوال ہی پیدا نہیں ہوتا۔ انہیں اس میں کوئی دلچسپی نہیں ہے۔ وہ کرناٹک میں جے ڈی (ایس) کی آزاد حکومت بنانا چاہتے ہیں اور یہی اُن کا مقصد ہے۔اس سے پہلے اپوزیشن لیڈر نیشنلسٹ کانگریس کے سپریمو شرد پوار اور نیشنل کانفرنس کے صدر فاروق عبداللہ نے صدر کے عہدے کے لیے مقابلہ کرنے سے انکار کرچکے ہیں۔ترنمول کانگریس کی سربراہ ممتا بنرجی کی طرف سے 15 جون کو صدارتی انتخاب کے لیے بلائی گئی اپوزیشن لیڈروں کی میٹنگ بے نتیجہ رہی،

حالانکہ مسٹر کمارسوامی نے اشارہ دیا کہ اس سلسلے میں 20 جون کو ایک اور میٹنگ ہو سکتی ہے۔موجودہ صدر رام ناتھ کووند کی میعاد 24 جولائی کو ختم ہو رہی ہے۔ اس سے قبل صدارتی انتخاب 18 جولائی کو ہوگا۔ نئے صدر کے انتخاب کے لیے کاغذات نامزدگی جمع کرانے کی آخری تاریخ 29 جون ہے اور ووٹوں کی گنتی 21 جولائی کو ہوگی۔فی الحال کسی بھی سیاسی جماعت نے اپنے امیدواروں کو فائنل نہیں کیا۔

تاہم، بھارتیہ جنتا پارٹی (بی جے پی) نے وزیر دفاع راج ناتھ سنگھ اور پارٹی صدر جے پی نڈا کو متفقہ طور پر امیدوار تلاش کرنے کے لیے اپوزیشن کے ساتھ بات چیت کرنے کے لیے نامزد کیا ہے۔اس کے ساتھ ہی ہموار انتخابی عمل کو یقینی بنانے کے لیے بی جے پی نے جل شکتی وزیر گجیندر شیخاوت کی صدارت میں 14 رکنی انتظامی ٹیم تشکیل دی ہے۔

جواب دیں

آپ کا ای میل ایڈریس شائع نہیں کیا جائے گا۔

Back to top button