جمعیۃ علماء کے ذمہ داران نے مدارس کا سروے آسان کرانے میں خصوصی کردار ادا کیا : مولانا مکرم علی
دیوبند، 23؍ اکتوبر (رضوان سلمانی) جمعیۃ علماء ضلع مظفر نگر کے ذمہ داران کی ایک خصوصی میٹنگ ضلع صدر مولانا قاسم قاسمی کی صدارت میں مسجد نمائش کیمپ وکاس بھون کے سامنے منعقد ہوئی۔
میٹنگ کی نظامت کرتے ہوئے جمعیۃ علماء ضلع مظفرنگر کے جنرل سکریٹری مولانا مکرم علی قاسمی نے اجلاس کے اغراض و مقاصد پر روشنی ڈالتے ہوئے کہا کہ جمعیۃ علماء کے ذمہ داران نے مدارس کا سروے آسان کرانے میں خصوصی کردار ادا کیا ہے۔ریاستی صدر مولانا سید اشہد رشیدی کے منعقدہ ضلع کے مختلف مقامات پر اصلاح معاشرہ، قومی یک جہتی کے پروگرام کا خاکہ تیار کیا گیا۔
مولانا نذر محمد قاسمی نے اصلاح معاشرہ،قومی یکجہتی کے پروگراموں کو زیادہ سے زیادہ کرانے پر زور دیا۔ انہوں نے جمعیۃ علماء ضلع مظفرنگر کے مجلس منتظمہ کے اجلاس کی تجویز رکھی جس کو حاضرین نے اتفاق رائے سے منظور کر لیا۔ ضلع صدر مولانا قاسم قاسمی نے تمام اکائیوں کے ذمہ داران سے کہا کہ ہر 3 ماہ بعد اپنی یونٹ کی خدمات کی رپورٹ پابندی کے ساتھ ارسال کریں۔
ضلع سکریٹری اور میڈیا انچارج محمد آصف قریشی نے میڈیا کو اجلاس کے متعلق معلومات فراہم کیں۔اس دوران حاجی شاہد تیاگی، حاجی عزیز الرحمن، مفتی انتظار، مفتی عبدالقادر، حافظ شیردین، حافظ تحسین، پردھان مرسلین، اکرام قصار، حافظ ایوب، سلیم ملک، مولانا زبیر رحمانی، مولانا رضوان، مولانا سید سعد، مولانا نسیم، مولانا ابوالکلام، مفتی عثمان، حافظ عمر فاروق،مولانا شکیل،مفتی مجیب وغیرہ موجود تھے۔
