کھیل

جسپریت بمراہ نے رقم کی تاریخ ایک اوور میں بنائے 35 رنز ، یقین نہیں آرہا ہے پڑھیں پوری خبر

برمنگھم ، 2 جولائی (ہندوستان اردو ٹائمز)  ہندوستان اور انگلینڈ کے درمیان ایجبسٹن ٹیسٹ میں انگلش فاسٹ بولر اسٹورٹ براڈ کی شرمناک کارکردگی دیکھنے میں آئی۔ انہوں نے ایک اوور میں 35 رنز لٹادیئے۔ یہ واقعہ ہندوستان کی پہلی اننگز کے 84 ویں اوور میں پیش آیا۔ ہندوستانی کپتان جس پریت بمراہ اس وقت اسٹرائیک پر تھے۔

انہوں نے اس اوور میں اپنے بلے سے 29 رنز بنائے، جبکہ چھ اضافی رنز بطور بونس بھی ملے۔بمراہ کے شاٹ پر براڈ کا ردعمل کچھ ایسا تھا۔پہلی گیند پر بمراہ نے براڈ کی ایک شارٹ گیند کو فائن لیگ پر مارا۔دوسری گیند: براڈ باؤنسر پھینکا۔ گیند بمراہ اور وکٹ کیپر بلنگز کے سر کے اوپر سے باؤنڈری کے لیے باہر چلی گئی ۔ امپائر نے اس گیند کو وائیڈ بھی دیا۔ اس طرح کل پانچ رنز بنے جن میں وائیڈ اور بائی کے چوکے شامل تھے۔دوسری گیند: براڈ نے نو بال پھینکی۔ شارٹ گیند کو بمراہ نے وکٹ کیپر کے اوپر چھکا اُڑادیا۔براڈ کو تیسری بار دوسری گیند پھینکنی پڑی۔ براڈ یارکر گیند کرنے کی کوشش کی ، لیکن گیند فل ٹاس ہو جاتی ہے۔ اس پر بمراہ نے چوکا جڑ دیا ۔ تیسری گیند: براڈ اسے اچھی لینتھ پر بولڈ کرتا ہے۔ اس پر گیند بمراہ کے بلے کا کنارہ لے کر فائن لیگ باؤنڈری پر چار رنز کیلئے باہر چلی گئی چوتھی گیندپر بمراہ نے فرنٹ آف اسکوائر پر چار رنوں کے لئے باہر بھیج دیا ۔ پانچویں گیندپر براڈ نے لیگ اسٹمپ کے قریب ایک شارٹ گیند پھینکی، اس پر بمراہ نے لانگ لیگ پر چار رن حاصل کئے ۔ چھٹی گیندپر بمراہ ایک رن بناتا ہے۔

براڈ نے ٹیسٹ کرکٹ کی تاریخ کا سب سے مہنگا اوور 35 رنز دے کر پورا کیا۔ اس سے قبل یہ ریکارڈ جنوبی افریقہ کے رابن پیٹرسن، انگلینڈ کے جیمز اینڈرسن اور انگلینڈ کے جو روٹ کے پاس تھا۔ تینوں نے ایک اوور میں 28-28 رنز دیے۔ براڈ نے شرمناک ریکارڈ میں ا ن تینوں کھلاڑیوں کو پیچھے چھوڑ دیا۔ ٹی ٹوئنٹی انٹرنیشنل میں سب سے مہنگی اوور بالنگ کا ریکارڈ بھی براڈ کے پاس ہے، جس میں ہندوستانی کھلاڑی یوراج سنگھ نے 6چھکے اُڑائے تھے ۔ وہ T20 انٹرنیشنل میں سری لنکا کے دھننجے کے ساتھ مشترکہ طور پر پہلے نمبر پر ہیں۔

دھننجے اور براڈ دونوں نے ایک اوور میں 36-36 رنز دیئے تھے۔ یوراج سنگھ نے 2007 کے T20 ورلڈ کپ میں ڈربن کے گراؤنڈ پر براڈ کی گیند پر چھ چھکے لگائے تھے۔ وہیں پولارڈ نے 2021 میں دھننجے کی گیند پر چھ چھکے لگائے۔بمراہ نے براڈ کے اوور میں 29 رنز بنائے۔ یہ ٹیسٹ میں ایک اوور میں بلے سے بنائے گئے سب سے زیادہ رنز ہیں۔اس معاملے میں انہوں نے برائن لارا، جارج بیلی اور کیشو مہاراج کا ریکارڈ توڑڈالا۔ لارا نے 2003 میں ایک اوور میں 28 رنز بنائے تھے ،بیلی نے 2013 میں اور مہاراج نے 2020 میں یہ کارنامہ انجا م دیاتھا ۔

ہماری یوٹیوب ویڈیوز

جواب دیں

آپ کا ای میل ایڈریس شائع نہیں کیا جائے گا۔

Back to top button