بی جے پی اقلیت مورچہ مرکزی حکومت کے آٹھ سالہ ترقیاتی کاموں کا پیغام گھرگھر پہونچائے گی : طفیل احمد خان قادری
پٹنہ 30 / مئی (ہندوستان اردو ٹائمز) دہلی میں بی جے پی کی مرکزی اعلیٰ قیادت سے ملاقات کے بعد پٹنہ لوٹنے پر بی جے پی کے سینئر رہنماء ، شعلہ بیاں مقرر ، کہنہ مشق عالم دین اور بہار بی جے پی اقلیت شعبہ کے صدر حضرت مولانا طفیل احمد خان قادری نے جاری اپنے پریس بیان میں کہا کہ آئندہ یکم جون سے 14 / جون تک عالمی رہنماؤں سمیت ہمارے وزیر اعظم شری مان نریندر مودی جی اور اقلیت مورچہ کے ہمارے تمام ساتھی مرکز کی بھاجپا حکومت کے 8 / سالہ ترقیاتی کاموں اور عوامی فلاح و بہبود کے پیغام کو لیکر پورے ملک اور ریاست بھر میں گھر گھر جائے گی
انہوں نے جاری اپنے پریس بیان میں کہا کہ آج ملک میں چوطرفہ ترقی ہو رہی ہے پنڈت دین دیال سمیت ملک کی ترقی کا خواب دیکھنے والے آزادی کے متوالوں کا سپنا ساکار ہو رہا ہے ملک میں ترقیاتی منصوبوں کا فائدہ آخری پائیدان پر بیٹھے لوگوں کو مل رہا ہے اقلیت مورچہ کے فعال ریاستی صدر جناب مولانا طفیل احمد خان قادری نے جاری اپنے پریس بیان میں کہا کہ غیر بی جے پی حکمرانی والی ریاستوں میں مرکز سے اقلیتوں کی فلاح و بہبود کے لئے وزیر اعظم منصوبہ کے تحت جو رقوم آتی ہے وہ خرد برد کردیا جاتا ہے صحیح طریقے سے مرکزی ترقیاتی منصوبوں کا فائدہ اقلیتوں کو نہیں پہونچ رہا ہے اقلیتوں کی ترقی کے بجائے غیر بی جے پی والی ریاستوں میں اقلیت سماج کے لوگوں میں بی جے پی کا خوف دیکھا کر پارٹیاں اقلیتوں کا ووٹ لیتی ہے اور اس طبقہ کیلئے کچھ نہیں کرتی جبکہ مرکز کی شری مان نریندر مودی جی کی سرکار نے اقلیتی طلبہ و طالبات کیلئے پانچ ہزار کڑور انتیس لاکھ روپے جاری کئے ہیں ،
جناب طفیل احمد خان قادری نے جاری اپنے پریس بیان میں کہا کہ مرکزی حکومت ملک کے تمام لوگوں سمیت اقلیتوں کے فلاح و بہبود کیلئے اپنے جامع منصوبہ سب کا ساتھ ، سب کا وشواس اور سب کا وکاس پر پابند عہد ہے اس کے ذریعے دینی مدارس کو ہاییٹیک کرنے ، مدارس کے فارغین علماء و حفاظ کو ایک ہاتھ میں قرآن تو دوسرے ہاتھ میں کمپیوٹر کے ذریعے بےروزگاری سے بچانے کیلئے کاربند ہے انہوں نے کہا کہ سیکولرازم کا نعرہ لگا کر ، بی جے پی کے خلاف جھوٹا پروپیگنڈہ کرکے نام نہاد سیکولر پارٹیوں نے ملک کے اقلیتوں بالخصوص مسلمانوں کو معاشی ، سیاسی اور تعلیمی میدان میں پیچھے کیا ہے جس کی تلافی شری مان نریندر مودی جی کی سرکار کر رہی ہے اس موقع پر ان کے ہمراہ بہار بی جے پی اقلیت شعبہ کے مختلف ذمہ داران موجود تھے
