بین الاقوامی

وزیراعظم عمران خان کا کمزور اور بے سہارا افراد کے لیے بڑا اقدام

اسلام آباد،08 ؍اکتوبر( آئی این ایس انڈیا ) وزیر اعظم عمران خان نے سرکاری اداروں اور محکموں تک کمزور طبقہ کی رسائی مزید آسان بنانے کا حکم دیتے ہوئے کہا سرکاری اداروں کو خدمت کیلئے ہر صورت پابند بنایا جائے۔تفصیلات کے مطابق وزیر اعظم عمران خان نے کمزور اور بے سہارا افراد کے لیے بڑا اقدام اٹھاتے ہوئے سرکاری اداروں اور محکموں تک کمزور طبقہ کی رسائی مزید آسان بنانے کا حکم دے دیا۔وزیر اعظم کی ہدایت پر ملک کا سب سے بڑا شکایات کا نظام مکمل فعال کردیا گیا، صوبوں میں سٹیزن پورٹل پرافسران کے 8864ڈیش بورڈز کو ذمہ داری تفویض کی گئی ہے۔وزیر اعظم آفس نے ملک بھر کے 8864 سے زائد سرکاری دفاتر کو مراسلہ جاری کردیا ہے، جس میں سرکاری افسران کو ڈیش بورڈز سیکمزورطبقیکی شکایات درج کرنے کا حکم دیا۔جاری مراسلے میں سرکاری افسران کوبزرگ، بیوہ، معذور افراد کی سہولت کیلئے خصوصی ہدایات کردیں۔وزیراعظم عمران خان نے کہا ہے کہ پی ٹی آئی حکومت کا منشور عوام کی عملی خدمت کرنا ہے، سرکاری اداروں کو خدمت کیلئے ہر صورت پابند بنایا جائے، گورننس کی بہتری عوام،اداروں میں بہتر راوبط سے مشروط ہے۔پی ایم ڈلیوری یونٹ نے سرکاری اداروں کو ضابطہ اخلاق بھی بھجوا دیے، اس حوالے سے تمام وفاقی سیکریٹریز،چیف سیکریٹریز،آئی جیز کو مراسلہ جاری کردیا ہے۔وزیراعظم آفس کی جانب سے مراسلے میں کہا ہے کہ ضرورت مند کو شکایات کیلئیمتعلقہ ادارے جانے کی ضرورت نہیں ہوگی، کسی بھی قریبی سرکاری دفتر میں عملہ شکایات درج کرنے کاپابندہو گا اور سرکاری اداریشہری کی شکایت متعلقہ محکمے کو بھیجنے کے پابند ہوں گے۔وزیراعظم آفس کا کہنا تھا کہ مختلف علاقوں میں موبائل،انٹرنیٹ سہولت نہ ہونے پرفیصلہ کیا گیا،شہریوں کوسہولت سیآگاہی کیلئے مہم بھی شروع کی جائے۔

Urdutimes@123

ہندوستان اردو ٹائمز پر آپ سب کا خیر مقدم کرتے ہیں

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close
Close