بین الاقوامی

مقتول سربراہ کرنل قذافی کے جہاز کی دس سال گراؤنڈ رہنے کے بعد وطن واپسی، شاندار استقبال

طرابلس : لیبیا کے مقتول سربراہ کرنل معمر قذافی کے زیر استعمال رہنے والا نجی طیارہ 10 سال گراؤنڈ رہنے کے بعد جب محو پرواز ہو کر طرابلس ایئرپورٹ پہ اترا تو وزیراعظم نے اس کا استقبال کیا۔

ذرائع ابلاغ کا کہنا ہے کہ کرنل قذافی کے نجی طیارے کو ضروری مرمت اور حملہ آوروں سے محفوظ رکھنے کے لیے10سال قبل فرانس بھیجا گیا تھا۔

غیر ملکی میڈیا رپورٹس کے مطابق کرنل معمر قذافی کے زیراستعمال رہنے والے نجی طیارے نے 10 سال بعد اڑان بھری اور اتوار کو لیبیا کے دارالحکومت معیتیقہ کے بین الاقوامی ایئرپورٹ پہ اترا تو وزیراعظم عبدالحمید الدبیبہ نے اس کا استقبال کیا۔

میڈیا نے اپنی رپورٹ میں بتایا ہے کہ کرنل معمر قذافی کا نجی طیارہ ایئر بس-340 جب طرابلس کی فضاؤں میں 10 سال کے بعد داخل ہوا تو اس نے تمام اہم تاریخی عمارات و مقامات کا نچلی پرواز کرکے چکر لگایا اور اس کے بعد لینڈنگ کی۔

لیبیا کے وزیراعظم الدبیبہ نے اس موقع پر جاری کردہ بیان میں کہا ہے کہ سابق مرد آہن مقتول کرنل قذافی کے زیراستعمال رہنے والے طیارے کوضروری مرمت کے بعد ملک واپس لایا گیا ہے۔

انہوں نے واضح کیا ہے کہ طیارے کو ضروری مرمت اور اس پر اٹھنے والے اخراجات کی ادائیگی کے بعد وطن واپس لایا گیا ہے۔ لیبیا کے وزیراعظم نے کہا ہے کہ لیبیا کے مزید 12 طیارے بیرون ملک مرمت کے لیے موجود ہیں اور انہیں بھی جلد ہی ملک میں واپس لایا جائے گا۔

Urdutimes@123

ہندوستان اردو ٹائمز پر آپ سب کا خیر مقدم کرتے ہیں

Leave a Reply

Back to top button
Close
Close