بین الاقوامی

روس میں طیارہ ہنگامی لینڈنگ کے دوران حادثے کا شکار ، حادثے کے نتیجے میں ۔ ۔ ۔

ماسکو : روس میں طیارہ ہنگامی لینڈنگ کے دوران حادثے کا شکار ہوگیا، حادثے کے نتیجے میں نو افراد کی موت کی اطلاعات موصول ہوئی ہیں۔

غیر ملکی خبر رساں ادارے کی رپورٹ کے مطابق روس کے جنوبی مغربی سائبیریا کے علاقے کیمیروو اوبلاست میں چھاتہ برداروں کو لے جانے والے طیارے ایل 410 کی ہنگامی لینڈنگ ہوئی ہے۔

ہنگامی لینڈنگ کے باعث طیارے میں سوار 17 میں سے 7 پیرا ٹروپرز اور عملے کے دو ارکان جائے وقوعہ پر ہی ہلاک ہوگئے۔

حادثے میں 9 افراد کے ہلاک ہونے کی تصدیق فوج ، ہوابازی اور بحریہ کے ساتھ تعاون کی رضاکار سوسائٹی(ڈوساف) نے بھی کی ہے۔

ذرائع ابلاغ کا کہنا ہے کہ طیارہ کی حالت بلکل ٹھیک تھی اور وہ ایک ہی دن میں یہ چوتھی پرواز کررہا تھا۔

خیال رہے کہ اس سے قبل روس میں دو چھوٹے طیارے آپس میں ٹکرا گئے تھے، حادثے کے نتیجے میں سیسنا طیارہ معمولی نقصان کے ساتھ باحفاظت رن وے پر لینڈ ہوگیا تھا تاہم اس حادثے کے نتیجے میں تین افراد ہوئے تھے۔

دوسرا حادثہ روس میں دنیا کے سب سے بڑے کارگو طیارے کو انجن میں فنی خرابی کے باعث پیش آیا تھا تاہم حادثے کے نتیجے میں کوئی جانی یا مالی نقصان نہیں ہوا تھا۔

Urdutimes@123

ہندوستان اردو ٹائمز پر آپ سب کا خیر مقدم کرتے ہیں

Leave a Reply

متعلقہ خبریں

Back to top button
Close
Close