بہار کے محکمہ سائنس وٹکنالوجی کے ذریعہ 238 عہدوں پر بحالی کیلئے درخواست طلب : ڈاکٹر محمدنوراسلام
پٹنہ مورخہ 10 اکتوبر 2022ء (ہندوستان اردو ٹائمز) ڈاکٹر محمد نور اسلام ،کنٹرولر آف اکز مینیشن ، بہار اسٹیٹ مدرسہ ایجوکیشن بورڈ نے اقلیتی طلباء و طالبات بالخصوص مدارس سے فارغ فوقانیہ کی ڈگری رکھنے والے طلباء وطالبات کو مطلع کیا ہے کہ ریاست بہار کے محکمہ سائنس وٹکنالوجی نے اشتہارنمبر۔02/2022 کے ذریعہ دفتری ( آفس اٹنڈنٹ ) عہدوں کیلئے تقریباً 8 3 2 خالی عہدوں پر بحالی کیلئے اشتہار جاری کیا ہے۔ جس کیلئے درخواست آن لائن دینے کا محکمہ سائنس و ٹکنالوجی کے ویب سائٹ ۔https://dst.bih.in پر مورخہ 31.10.2022 تک کی تاریخ مقرر کی گئی ہے ۔فو قانیہ یا اس سے اوپر کی لیاقت رکھنے والے امید وار بھی اس بحالی کیلئے درخواست دے سکتے ہیں لیکن عمر کی حدکم سے کم 18 سال اور زیادہ سے زیادہ 42 سال ہونی چاہئے ، اس کے علاوہ عمر کے سلسلے میں ریاستی حکومت کے جو شرائط ہیں اس کے مطابق بھی رعایت کی گنجائش رکھی گئی ہے۔ ساتھ ہی درخواست دہندہ کور یز رویشن کی سہولت بھی ریاستی حکومت کے شرائط کے مطابق حاصل ہوگا۔
ریزرویشن کا فائدہ حاصل کرنے کیلئے امیدوار کے پاس ریز رویشن سے متعلق کاغذات کا ہونالازمی ہے اسے درخواست کے ساتھ ضرورمنسلک کر میں ۔اس بحالی سے متعلق ڈاکٹرمحمد نور اسلام، کنٹرولر آف اکزامنیشن نے بتایا کہ تفصیلی جانکاری محکمہ کے ویب سائٹ ۔
https://state.bihar.gov.in/dst
پر دیکھا جاسکتا ہے اور درخواست دینے میں کسی طرح کی دشواری در پیش ہوتو
dstonline@bihar.gov.in
پر دشواری سے متعلق ای میل کر سکتے ہیں ۔
ڈاکٹر محمد نور اسلام نے مزید بتایا کہ امیدوار کا انتخاب فوقانیہ میٹرک میں حاصل نمبرات کی بنیاد پر ہوگا ۔کانسلنگ کیلئے عہدہ سے 3 گنا امیدوار کو بلایا جاۓ گا۔کانسلنگ میں کامیاب امیدوار کے دستاویزوں کی جانچ متعلقہ بورڈ سے کرائی جاۓ گی اس کے بعد میرٹ لسٹ تیار کر بحالی کی کاروائی مکمل کر لی جائے گی ۔
ڈاکٹرمحمد نوراسلام نے تمام طلباء اور طالبات بالخصوص اقلیت کے نو جوان و مدارس کے فارنین سے گذارش کی ہے کہ جوروز گار کی تلاش میں ہیں وہ متذکرہ بالا ملازمت کیلئے آن لائن درخواست لازمی طور پر دیں اور فائدہ حاصل کر میں ، تا کہ اقلیتوں کی اقتصادی حالات مزیدمستحکم ہو سکے۔
