تروواننت پورم، 19ستمبر ( ہندوستان اردو ٹائمز ) کانگریس کی کنیا کماری سے شروع ہونے والی اس یاترا نے 10 دن میں 200 کلومیٹر کا فاصلہ طے کیا ہے۔ آج راہل گاندھی سمیت بھارت جوڑو کے تمام پد یاتریوں نے کیرالہ کے الاپوزا میں ہریپاد سے 11ویں دن کا سفر شروع کیا۔
بھارت جوڑو یاترا کا آج کا سفر 6.30 بجے سے ہریپاد سے شروع ہوا۔ 13 کلومیٹر چلنے کے بعد ہندوستان اور ریاست سے وابستہ پد یاتری آرام کے لئے اوٹاپنا کے سری کروٹو بھگوتی مندر میں ٹھہرے۔ اس کے بعد کوٹناڈ اور پڑوسی اضلاع کے کسانوں سے گفتگو کا پروگرام طے ہے۔
کانگریس پارٹی کی جانب سے’ بھارت جوڑو یاترا‘ کے نام سے ہندوستان کو متحد کرنے کے لئے چلائی جا رہی مہم کا 11واں دن ہے۔ آج اتوار (18 ستمبر 2022) کو راہل گاندھی سمیت تمام پد یاتریوں نے کیرالہ کے الاپوزا میں ہریپاد سے سفر شروع کیا۔پدیاترا کو لے کر مقامی لوگوں میں کافی جوش و خروش ہے اور اس میں ہزاروں کی تعداد میں لوگ شامل ہو رہے ہیں ، جس سے مخالف حکمراں جماعت کی نیند اُڑگئی ہے۔
