عجیب و غریب

بکریاں کھیت میں کیوں گئی؟ زمین دار نے حافظ قرآن بچے کو پھانسی دے دی

علی پور: پاکستان کےصوبہ پنجاب کے ضلع مظفر گڑھ میں رونما ہونے والے انسانیت سوز واقعے نے ہر آنکھ کو اشکبار کردیا ہے۔

پاکستانی نیوز چینل اے آر وائی نیوز کے مطابق ضلع مظفر گڑھ کی تحصیل علی پور کے علاقے موضع جگمل میں بااثر وڈیرے نے کھیتوں میں بکریاں داخل ہونے کی پاداش میں حافظ قرآن چرواہا کو پھانسی دے دی۔

رپورٹ کے مطابق چرہاوے محسن پر وڈیرے فیاض غزلانی نے بہیمانہ تشدد کیا جس سے حافظ قرآن بچے کی موت واقع ہوگئی، ظالم وڈیرے نے واقعے کو خودکشی کا رنگ دینے لئے لاش کو درخت پر لٹکانے کی بھونڈی کوشش کی۔

اندوہناک واقعے پر لواحقین سراپا احتجاج ہوئے انہوں نے الزام عائد کیا کہ محسن حافظ قرآن تھا اور روزے کی حالت میں تھا،جسے ظالم وڈیرے نے انسانیت سوزتشدد کرکے جان سے ماردیا، واقعے کے بعد ہم نے پولیس کو متعدد بار اطلاع دی، مگر پولیس بااثر وڈیرے کے خلاف کارروائی کیلئے نہیں آئی۔

متاثرہ علاقے میں بڑے پیمانے پر احتجاج شروع ہوا تو لوگ مشتعل ہوگئے اور انہوں نے وڈیرے فیاض غزلانی کے گھر پر حملہ کرتے ہوئے اسے زدوکوب کیا اور اپنی تحویل میں لیکر خود پولیس اسٹیشن پہنچ گئے اور گرفتار کرایا۔

ادھر علی پور پولیس نے جاں بحق چرواہے کی پوسٹ مارٹم رپورٹ حاصل کرنے کے لئے متعلقہ اسپتال سے رابطہ کرلیا ہے،پوسٹ مارٹم رپورٹ کی روشنی میں ملزمان کے خلاف مزید کارروائی کو آگے بڑھایا جائے گا۔

ہماری یوٹیوب ویڈیوز

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button