پاکستان کرکٹ ٹیم کے کپتان بابر اعظم اپنی حالیہ پرفارمنس کی وجہ سے موضوعِ بحث رہے ہیں لیکن ان دنوں سوشل میڈیا پر ان سے منسوب بعض مبینہ ویڈیوز اور پیغامات کا ذکر ہو رہا ہے۔
پاکستان میں ٹوئٹر پر منگل کو ہیش ٹیگ وی اسٹینڈ ود بابر[WeStandWithBabar#] ٹاپ ٹرینڈ کر رہا تھا۔ جہاں بابر کے مداح ان کی بھرپور حمایت کا اظہار کر رہے ہیں۔
معاملہ یہ ہے کہ بابر سے منسوب بعض ٹیکسٹ پیغامات، آڈیوز اور مبینہ ویڈیوز ایک خاتون کے انسٹاگرام اکاؤنٹ سے شیئر کی گئی ہیں۔ خاتون صارف کا یہ دعویٰ ہے کہ وہ کسی پاکستانی کھلاڑی کی گرل فرینڈ ہیں اور بابر اعظم مبینہ طور پر ان سے جنسی تسکین کی باتیں کرتے رہے ہیں۔
عائشہ راجپوت نامی انسٹاگرام اکاؤنٹ سے جاری ایڈٹ شدہ مبینہ ویڈیوز میں بابر کو دکھایا گیا ہے۔ خاتون صارف کا دعویٰ ہے کہ بابر نے وعدہ کیا تھا کہ اگر وہ ان سے اسی طرح باتیں کرتی رہیں تو ان کے بوائے فرینڈ کو ٹیم سے نہیں نکالا جائے گا۔
Yeh Kya challa hai? pic.twitter.com/RbSsq2X9wf
— ✨ (@Kourageous7) January 15, 2023
بابر کی مبینہ ویڈیوز سوشل میڈیا پر وائرل ہونے کے بعد ان کے مداحوں کی بڑی تعداد ان کے حق میں آ گئی ہے اور ٹوئٹر پر ان کے حامی مبینہ انسٹاگرام ویڈیوز کو جعلی اور ایڈٹ شدہ قرار دے رہے ہیں۔
جس اکاؤنٹ سے بابر کی مبینہ ویڈیوز اور تصاویر شیئر کی گئی ہیں اس نام سے انسٹاگرام پر چار اکاؤنٹس موجود ہیں اور تمام اکاؤنٹس پر ایک جیسی ہی ویڈیوز ہیں۔
بابر اعظم کی جانب سے اب تک مبینہ آڈیوز، ویڈیوز اور پیغامات پر کوئی بیان سامنے نہیں آیا۔ البتہ انہوں نے پیر کو اپنی تصویر شیئر کرتے ہوئے ایک ٹوئٹ میں کہا تھا "خوش رہنے کے لیے زیادہ کچھ نہیں چاہیے۔”
یہ پہلا موقع نہیں ہے کہ بابر کسی تنازع کا شکار ہوئے ہیں۔ اس سے قبل 2020 میں حامیزہ نامی خاتون نے دعویٰ کیا تھا کہ بابر ان کے اسکول کے زمانے کے دوست ہیں جنہوں نے 2011 میں ان سے شادی کا وعدہ کیا تھا اور وہ حاملہ بھی ہیں۔
بعدازاں حامیزہ نے عدالت میں بابر اعظم کے خلاف دائر درخواست واپس لیتے ہوئے اپنے الزامات سے دست بردار ہونے کا اعلان کیا تھا۔
بابر کے خلاف حالیہ الزامات کے بعد ان کے مداحوں کا کہنا ہے کہ یہ بابر کو کپتانی سے ہٹانے کے لیے سازش کی جا رہی ہے جب کہ بعض کا کہنا ہے کہ جس اکاؤنٹ سے بابر کی تصاویر شیئر کی گئی ہیں وہ بھارت سے چلایا جا رہا ہے۔
بعض ٹوئٹر صارف بابر کی مبینہ تصاویر کو ایڈٹ شدہ قرار دے کر ان کے خلاف پراپیگنڈا چلائے جانے کا کہہ رہے ہیں اور بہت سے مداحوں نے مضبوط رہنے کا مشورہ دیا ہے۔
بابر کے ایک مداح نے مذکورہ ویڈیو شیئر کرتے ہوئے اس پر تبصرہ کیا کہ بہن اگلی بار ایڈیٹنگ سیکھ کے آنا۔ ہمیں اپنے کنگ پر ہمیشہ سے یقین تھا، ہے اور رہے گا۔
#WeStandWithBabar
Bhan next time editing seekh k.ana🤣🤣 @babarazam258 hma apna.king p.hamsha s yaqeen tha ha or raha ga tu bhn ja khai or ja pic.twitter.com/wmkAD26WEb— babar56🥺❤ (@AbrishK99584415) January 17, 2023
خالدہ نامی ٹوئٹر صارف نے اپنی تصویر بابر کے ساتھ شیئر کرتے ہوئے لکھا کہ "بابر بیٹا میں تمھارے ساتھ ہوں اور تمھارے ساتھ ایک ملاقات میری کرکٹ کی یادداشتوں میں سے زبردست یادداشت ہے۔”
We are not sparing our heroes now …
Is there any limit to this moral decadence?
We Pakistanis make ourselves the laughingstock in the world by our own doings.@babarazam258 baeta I am with you, & meeting you was my most favourite cricketing memory. #WeStandWithBabar pic.twitter.com/pun9vOQkkD— Khalida (@KhalidaTasneem) January 16, 2023
حرا نامی ٹوئٹر صارف نے بابر کی ویڈیو شیئر کرتے ہوئے اس پر تبصرہ کیا کہ بابر پیار اور عزت کے لائق ہیں۔
He deserves all the Respect and Lovee
….🥹🫶🏼♥️#WeStandWithBabar #BabarAzam𓃵 #StayStrongBabarAzam pic.twitter.com/SRYYyW26aQ— Hira🇵🇰🇦🇺🇨🇦🇹🇷🇦🇷 (@BrownGi12427170) January 16, 2023
احمد نامی ٹوئٹر صارف نے کہا کہ اگر دنیا بابر کے خلاف ہے تو پھر میں دنیا کے خلاف ہوں۔
If the world is against Babar Azam then I am against the World @babarazam258#StayStrongBabarAzam #WeStandWithBabar #BabarAzam #BabarAzam𓃵 pic.twitter.com/Ohk1mO31oC
— Ahmad 🇵🇰 (@ahmad_haii) January 16, 2023
علی اعجاز نامی ٹوئٹر صارف نے بابر اعظم کے ساتھ ہونے کا ہیش ٹیگ استعمال کرتے ہوئے قرآن کی آیت شیئر کی۔ جس کا ترجمہ کچھ یوں ہے: "جسے تو چاہتا ہے عزت دیتا ہے اور جسے تو چاہے ذلیل کرتا ہے۔”
وَتُعِزُ مَن تَشَاء وَتُذِلُ مَن تَشَاء ❤#WeStandWithBabar @babarazam258 pic.twitter.com/YbpeELeXLM
— ali__aijaz (@AijazAl76180271) January 17, 2023
