اہم خبریں

پارلیمنٹ بجٹ اجلاس : کسانوں کے معاملے پر بحث کا مطالبہ کرنے والے حزب اختلاف کا پارلیمنٹ میں ہنگامہ

نئی دہلی ،10؍مارچ(آئی این ایس انڈیا) بدھ کے روز راجیہ سبھا میں کانگریس کی سربراہی میں اپوزیشن ممبران نے کسانوں سے متعلق مختلف امور پر فوری طور پر بحث کرنے کا مطالبہ کرتے ہوئے ہنگامہ کیا ، جس کی وجہ سے وقفہ سوال میں کارروائی متاثر ہوئی اور ایوان کا اجلاس صبح 11 بجکر 15 منٹ پر دوپہر 12 بجے تک کے لیے ملتوی کردی گئی۔ ایوان میں وقفہ سوال شروع ہوتے ہی اپوزیشن کی قیادت کرنے والے ملکاارجن کھڑگے نے کسانوں سے متعلق امور پر تبادلہ خیال کرنے کے لئے دیئے گئے نوٹس کا حوالہ دیتے ہوئے کہا کہ مرکز کے تین نئے زرعی قوانین کسانوں کے خلاف ہیں جس کی وجہ سے پنجاب ، ہریانہ اور مغربی اتر پردیش میں کسان احتجاج کررہے ہیں۔ انہوں نے کہا کہ کسانوں کی تحریک ملک کے دیگر حصوں میں جاری ہے ، گرچہ یہاں نظر نہیں آتی ہے۔ چیئرمین ایم وینکیا نائیڈو نے کہا کہ انہیں کانگریس ممبران دپندر ہڈا ، پرتاپ سنگھ باجوہ اور راجیو ستاو ، آر جے ڈی کے منوج جھا اور ڈی ایم کے کے ٹی سیوا کی جانب سے انہیںکسانوں کے معاملے پر بحث کے لیے نوٹس 267 کے تحت کام کوالتوا کرنے کے نوٹس موصول ہوئے ہیں۔ اس کے علاوہ بی ایس پی کے اشوک سدھارتھ کی طرف سے پیٹرول اور ڈیزل کی قیمتوں پر تبادلہ خیال کے لئے نوٹس موصول ہوا ہے۔

Urdutimes@123

ہندوستان اردو ٹائمز پر آپ سب کا خیر مقدم کرتے ہیں

Leave a Reply

Back to top button
Close
Close