اہم خبریں

کورونارہنماخطوط کی31 مارچ تک توسیع : حکومت نے تمام ریاستوں کو احتیاط برتنے کا مشورہ دیا

نئی دہلی 27فروری(آئی این ایس انڈیا) ملک میں کورونا بحران ابھی رک نہیں پایاہے۔الیکشن میں جم کرریلیاں ہورہی ہیں،لاکھوں کی بھیڑجمع کی جارہی ہے۔ مرکزی وزارت داخلہ نے کورونا وبا کی روک تھام کے لیے قابل عمل رہنما اصولوں کی آخری تاریخ میں توسیع کردی ہے۔ کوویڈ۔19 سے متعلق رہنما اصول 31 مارچ تک لاگو ہوں گے۔ اس تناظر میں مرکزی سکریٹری داخلہ اجے بھلا نے ریاستوں اورمرکزکے زیرانتظام خطوں کو ایک خط لکھا ہے۔ خط میں تمام ریاستوں کو احتیاط اور سخت نگرانی برقرار رکھنے کامشورہ دیاگیاہے۔وزارت داخلہ نے کہاہے کہ کورونا وائرس سے متعلق رہنما اصولوں پر سختی سے عمل کیا جانا چاہیے۔ متعلقہ انتظامیہ کے جاری کردہ رہنما خطوط کے بعد تمام سرگرمیوں کی اجازت دی گئی ہے۔ پڑوسی ممالک کے لوگوں کی تجارت اور سامان کے تبادلے کے لیے نقل مکانی پر کوئی پابندی نہیں ہوگی۔وزارت نے یہ بھی کہاہے کہ پچھلے کچھ مہینوں کے مقابلے میں ملک میں سرگرم مقدمات اور نئے کیسوں کی تعداد میں خاصی کمی واقع ہوئی ہے۔ تاہم وبا کو مکمل طور پر ختم کرنے کے لیے احتیاط اورقریبی نگرانی کی ضرورت ہے۔کورونا کی وبا کو روکنے کے لیے 27 جنوری کو ہدایات جاری کی گئیں۔ ان کے مطابق سینما ہالوں اورتھیٹروں کوچلنے کی اجازت دی گئی ہے۔ لوگوں کی نقل و حرکت اور ایک ریاست سے دوسری ریاست میں سامان کی آمدورفت پر کوئی پابندی نہیں ہے۔ سوئمنگ پول کو بھی استعمال کرنے کی اجازت دی گئی ہے۔

Urdutimes@123

ہندوستان اردو ٹائمز پر آپ سب کا خیر مقدم کرتے ہیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ خبریں

Back to top button
Close
Close