اشعار و غزل

ہمارے شہر کا انجام لکھ دو ! بسمل اعظمی

بسمل اعظمی
+91 9619226414

ہمارے شہر کا انجام لکھ دو
تباہی ہرطرف ہے عام لکھ دو

حقیقت اب ہے طشت ازبام لکھ دو
ہوا ہے قوم کا نیلام لکھ دو

کسی کے صبر کا انعام لکھ دو
ہے اب صیاد زیر دام لکھ دو

تھکی، ماندی، بھٹکی، آدمیت
پھری ہے ہر طرف ناکام لکھ دو

چھپانے کے لیے اوصاف حسنہ
کوئی جھوٹا سا اک الزام لکھ دو

اندھیرے میں جلائی ہم نے مشعل
اسی سے ہم ہوئے بدنام لکھ دو

مسائل کا ہجوم اہل ہنر کو
کیے جاتا ہے اب ناکام لکھ دو

لرزتے ہیں قدم انسانیت کے
تم اس کا نام استحکام لکھ دو

Urdutimes@123

ہندوستان اردو ٹائمز پر آپ سب کا خیر مقدم کرتے ہیں

جواب دیجئے

Back to top button
Close
Close