اشعار و غزل

حمد تعالیٰ : مجھ بندۂ عاجز کو توفیقِ عبادت دے : یا رب مری آنکھوں کو کچھ اشکِ ندامت دے! فہیم اختر لندن۔برطانیہ

حمد تعالیٰ

مجھ بندۂ عاجز کو توفیقِ عبادت دے

یا رب مری آنکھوں کو کچھ اشکِ ندامت دے

باطل کے مقابل میں کمزور نہ پڑ جاؤں

ہمّت دے مجھے یا رب ایمانی حرارت دے

میں زخمی پرندہ ہوں پرواز کا خواہاں ہوں

اب میرے پروں کو تو پرواز کی قوّت دے

اخلاق کی پستی نے پستی میں ڈھکیلا ہے

دے ظرف مجھے اعلیٰ سنجیدہ طبیعت دے

وہ کام لے ہم سب سے جس میں ہو رضا تیری

جو بھٹکے ہوۓ ہیں تو ان کو بھی ہدایت دے

تجھ سے یہ دعا ہر دم کرتا ہے فہیم اختر

تو میرے گلستاں کے ہر پھول کو نکہت دے

فہیم اختر

لندن۔برطانیہ

Urdutimes@123

ہندوستان اردو ٹائمز پر آپ سب کا خیر مقدم کرتے ہیں

Leave a Reply

متعلقہ خبریں

Back to top button
Close
Close