حیدرآباد ، یکم جنوری (ہندوستان اردو ٹائمز) حکومت آندھرا پردیش نے جماعت ہشتم(آٹھویں) کی نصاب کتابوں میں ’فاطمہ شیخ‘ کی خدمات پر ایک سبق کو متعارف کرایا ہے۔فاطمہ شیخ ہندوستان کی پہلی خاتون مسلم ٹیچر تھیں اور وہ ملک کی عظیم سماجی مصلح اور ماہر تعلیم بھی تھیں۔
فاطمہ شیخ کے بارے میں مشہور ہے کہ انہوں نے جیوتی راؤ پھولے اور ساوتری بائی کو پناہ دی تھی اس ممتاز سماجی مصلح جوڑے نے لڑکیوں کی تعلیم کیلئے کام کیا تھا۔ حکومت آندھرا پردیش نے ہندوستان کی پہلی خاتون مسلم ٹیچر فاطمہ شیخ کی جذبات پر نصاب کتب میں ایک سبق کو متعارف کرایا ہے۔ متعارف کردہ سبق کے چند اہم نکات میں جیوتی راؤ پھولے اور ساوتری پھولے نے ذات پات نظام اور مردوں کی اجارہ داری کے خلاف پہل کی۔
فاطمہ شیخ کو بمبئی پریسیڈنسی میں متحدہ پونے میں واقع اپنے گھر میں پھلے جوڑے کو لڑکیوں کے پہلے اسکول کے قیام کی اجازت دینے کا اعزاز حاصل ہے، شامل ہے۔فاطمہ شیخ کو پھلے جوڑے کی جانب سے چلائے جانے والے5 اسکولوں میں تدریسی خدمات انجام دینے کا بھی اعزاز حاصل ہے۔ انہوں نے 1851 میں ممبئی میں دو اسکولس کی داغ بیل ڈالی تھی۔
